Ózbekstan Respublikası Prezidenti janındaǵı Sociallıq qorǵaw milliy agentligi hám Birlesken milletler shólkemi xalıq fondı (UNFPA) menen birgelikte Ózbekstan Respublikası Prezidentiniń «Basım hám zorlıqtan jábirlengen shaxslarǵa sociallıq xızmetler kórsetiliwin jetilistiriw boyısha qosımsha ilajlar haqqında»ǵı qararınıń áhmiyetin úgit-násiyatlaw, sonday-aq «Basım hám zorlıqtan jábirlengen adamlar menen islesiw» temalarında qánigelerdiń ilimiy tájiriybesin arttırıw maqsetinde, Taxtakópir rayonında oqıw seminarı shólkemlestirildi.
Seminarǵa sociallıq xızmetkerler, hayal-qızlar belsendileri, Ishki isler bólimi, Milliy gvardiya hám ǵalaba xabar qurallarınıń xızmetkerleri qatnastı.
Ótkerilgen oqıw seminar dawamında Birlesken milletler shólkemi xalıq fondı (UNFPA) milliy esperti Damira Twxtasinova hám basqa da qánigeler tárepinen Basım hám zorlıqtan jábirlengen shaxslar menen islesiw, olarǵa sociallıq xızmetler kórsetiw boyınsha keń túsinikler berilip, ilaj qatnasıwshıları ózleriniń qızıqtırǵan sorawlarına juwap aldı.
Adilbay Orazov,
Qaraqalpaqstan xabar agentligi sholıwshısı.