Saudiya Arabstanı Ar-Riyad qalasında IT Park Uzbekistan wákilxanasınıń rásmiy ashılıw máresimi bolıp ótti. Bul Ózbekstan hám Saudiya Arabstanı arasında málimleme texnologiyaları tarawındaǵı birge islesiwdi tereńlestiriwde áhmiyetli basqısh boldı.
Ashılıw máresiminde Ózbekstan Respublikası sanlı texnologiyalar ministri Sherzad Shermatov shıǵıp sóyledi.
-Ózbekstan hám Saudiya Arabstanı innovaciyalıq ekosistemaları arasındaǵı eki tárepleme qatnasıqlar jedel pát penen rawajlanıp barmaqta. Bul regiondaǵı sheriklerdiń mámleketimizdiń jedel rawajlanıp atırǵan texnologiyalıq sektorına bolǵan qızıǵıwshılıǵın bildiredi,-dedi Sherzat Shermatov.
Ministrdiń atap ótkenindey, bunday baslamalar ekonomikalıq birge islesiwdi bekkemleydi. Jańa jumıs orınların jaratıwǵa járdemlesedi, jergilikli qánigelerdiń kásiplik rawajlanıwı ushın imkaniyatlar ashadı.
Ilaj sheńberinde miymanlar Ózbekstan IT sektorın hám biznes ortalıǵın qollap-quwatlawdıń tiykarǵı baǵdarlamaları, sonıń ishinde, rawajlanıp atırǵan startap ekosisteması hám olardı rawajlandırıw ushın jaratılıp atırǵan sharayatlr menen tanıstı.
IT Park’tiń Saudiya Arabstanındaǵı wákilxanası eki mámlekettiń innovaciyalıq ekosistemaları arasındaǵı birge islesiw hám tájiriybe almasıwda qollap-quwatlawshı kópir boladı.
ÓzA