Respublikalıq Ruwxıy aǵartıwshılıq orayı tárepinen shólkemlestirilgen «Eń úlgili ministrlik hám uyım» sonday-aq, «Eń úlgili rayon hám qala» tańlawınıń jeńimpazları múnásip sıylıqlanıp, onda Qaraqalpaqstan Respublikası Beruniy rayonı «Eń úlgili rayon hám qala» nominaciyasında jeńimpazlıqtı qolǵa kirgizip, Prezident sawǵası «Damas» avtomashinası menen sıylıqlanǵan edi.
Búgin Beruniy rayonınıń belsendileri hám jaslardıń qatnasıwında Prezident sawǵası múnásip kútip alındı. Ilajda shıǵıp sóylewshiler bul jetiskenlik pútkil rayon xalqınıń jetiskenligi ekenligin sonday-aq, rayondaǵı ruwxıy hám sociallıq ortalıqtı bekkemlewde máhálle, bilimlendiriw mákemeleri hám málimleme resurs oraylarınıń ornı ayrıqsha ekenligin atap ótti.
Qaraqalpaqstan xabar agentligi