Ózbekstan Respublikası Prezidenti Shavkat Mirziyoev Túrkiyanıń «Aksa Enerji» kompaniyası baslıǵı Jamil Kazanshını qabılladı.

Usı kompaniya menen óz-ara paydalı birge islesiwdi rawajlandırıw máseleleri, onıń Ózbekstannıń energetika tarmaǵın keńeytiw hám texnologiyalıq modernizaciyalaw joybarlarında qatnasıw rejeleri kórip shıǵıldı.
Mámleketimiz basshısı Túrkiya kompaniyası menen birgelikte Tashkent hám Buxara wálayatlarında ulıwma quwatlıǵı 740 megavatt bolǵan zamanagóy elektr stanciyaların qurıw joybarlarınıń tabıslı ámelge asırılǵanın qanaatlanıwshılıq penen atap ótti. 13-dekabr kúni Qashqadárya wálayatınıń Nıshan rayonında quwatlılıǵı 400 megavatt bolǵan jańa elektr stanciyasın iske qosıw máresimi boldı.
Eki tárepleme «jol kartası»na muwapıq «jasıl» energetika tarawında, sonıń ishinde, gaz bólistiriw sistemaların modernizaciyalaw, biogaz stanciyaların qurıw, sanaat zonaların energiya menen turaqlı támiyinlew hám basqa da perspektivalı joybarlar dodalandı.

ÓzA