Xalıqaralıq dzyudo federaciyası (IJF) 2024-jılǵı sport tarawında túrli baǵdarlar boyınsha eń jaqsı bolıwǵa talabanlardı anıqlaw baǵdarında járiyalaǵan baǵdarlarında mámleketimiz wákilleri de bar ekenligi itibarǵa ılayıq.
Oǵan bola, Ózbekstan dzyudo federaciyasınıń baslaması menen shólkemlestirilgen balalar ushın arnawlı joybarı, «Parij-2024» Olimpiada oyınlarınıń altın medal iyesi Diyora Keldiyorovanıń yaponiyalı Uta Abe ústinen jeńiske eriskeni, Ózbekstan hayal-qızlar saylandı komandası treneri Marko Shpittka, Muhammad Jumaevtıń «Úlken dubılǵa» turnirindegi túrli nominaciyalarda 2024- jıldıń eń jaqsısı bolıwǵa talaban sıpatında kórsetilgen.
Sonday-aq, Ózbekstan saylandı komandası aǵzası Diyora Keldiyorova «Jıldıń eń jaqsı hayal dzyudoshısı» bolıwǵa dawagerlerden biri sanaladı.
Talabanlar dawıs beriw jolı arqalı anıqlanadı. Juwmaqlawshı nátiyjeler kelesi jıldıń 10- yanvar kúni járiyalanadı.

ÓzA