Házirgi waqıtta Xalıqaralıq kongress orayında Prezident Shavkat Mirziyoevtiń qatnasıwında energetika tarawında jańa quwatlıqlardı iske qosıw hám gezektegi joybarlardıń qurılısına start beriw máresimi bolıp ótpekte.

Mámleketimiz basshısı bahası 3,7 milliard dollarlıq 18 jańa quwatlıqlar iske qosılıp atırǵanı hám gezektegi 6 joybar qurılısına start berilip atırǵanın energetika tarawındaǵı tariyxıy waqıya dep atadı.
Atap aytqanda, Buxara, Nawayı, Namangan hám Tashkent wálayatlarında derlik 2,3 mıń megavatt quwatlılıqqa iye 5 quyash hám samal elektr stanciyası hám 5 joqarı kúshleniwli podstanciya iske qosılmaqta.
Ózbekstanda birinshi márte Ándijan hám Ferǵanada 300 megavattlı iri saqlaw sisteması qurıldı.
Sonday-aq, Qashqadáryada 400 megavattlı elektr stanciyası, Tashkent qalasında zamanagóy kogeneraciya qurılması, Ándijan, Surxandárya hám Tashkent wálayatlarında 4 kishi GЕS paydalanıwǵa tapsırılmaqta.
Sırt elli sherikler menen birge islesiwdi izbe-iz dawam ettiriw jolındaǵı jańa bet sıpatında Ferǵana, Samarqand, Nawayı, Tashkent wálayatları hám Tashkent qalasında bahası 3,5 milliard dollar bolǵan 2,5 mıń megavattlı 6 elektr quwatlıqlarınıń qurılısı baslanbaqta.

ÓzA