Ózbekstan Sawda-sanaat palatası Qaraqalpaqstan Respublikası basqarmasında “Training of Trainers” (ToT) xalıqaralıq joybarı sheńberinde toqımashılıq tarawında eksporttı qollap-quwatlaw baǵdarında seminar ushırasıwı bolıp ótti.

Basqarmanıń Jaslar hám hayal-qızlar isbilermenligin raӯajlandırıӯ bólimi hám Germaniyanıń Gesamtmasche associaciyası menen birgelikte shólkemlestirilgen “Ulıwmalastırılǵan jeńillikler sisteması (GSP+) imkaniyatlarınan paydalanǵan halda Evropa Awqamınıń tokımashılıq bazarına kiriwdiń tiykarǵı dárekleri” atamasında ótkerilgen bul ilajda 30 dan aslam tekstil tarawında jumıs alıp barıwshı isbilermen hayal-qızlar qatnastı.
Seminardı shólkemlestiriwden tiykarǵı maqset – respublikamızda toqımashılıq hám tekstil tarawın bunnan bılay da rawajlandırıw, bul baǵdarda óndirislik quwatlılıqtı arttırıw hám elimizde islep shıǵarılǵan tekstil ónimlerin dúnya bazarına tanıtıwdan ibarat.
Ilajda qatnasıwshı isbilermenler tekstil kárxanalarında tayarlanǵan ónimlerge qarıydar tabıw, Evropa bazarlarına eksport etiw, bul baǵdarda qoyılatuǵın talaplar hám jaratılıp atırǵan qolaylıqlar boyınsha tolıq maǵlıwmatlarǵa iye boldı.

Qaraqalpaqstan xabar agentligi