Bul haqqında Prezident basshılıǵında sociallıq qorǵaw tarawındaǵı jumıslardıń nátiyjeliligin hám 2025-jıl ushın áhmiyetli wazıypalardı dodalawǵa baǵıshlanıp ótkerilip atırǵan májiliste atap ótildi.

Jáne bir tájiriybe – bıyılǵı jılı mayıplıǵı bar balalar ushın 73 kúndizgi tárbiyalaw hám «Ǵamqorlıq» toparları shólkemlestirildi.
Bul tarawǵa jeke menshik sektordı alıp kiriw ushın qosımsha imkaniyatlar jaratıladı.
Yaǵnıy, isbilermenlerge hár bir bala ushın kúnine 100 mıń sumnan subsidiya, xanaların úskenelewge 30 million sumǵa shekem arzan kredit ajıratıladı.
Bunıń esabınan Qaraqalpaqstan Respublikası, Ándijan, Qashqadárya, Samarqand, Tashkent wálayatı hám Tashkent qalasında mayıplıǵı bar 2 mıń balanı kúndizgi tárbiyalaw sisteması jolǵa qoyıladı.
Bul sistema 1-oktyabrge shekem qalǵan wálayatlarda da engiziledi.
Juwapkerlerdiń aldına kelesi jılı 15 mıń mayıplıǵı bar balanı bilimlendiriwge tartıw wazıypası qoyıldı.

ÓzA