“GX-Style AT Plus” hám “GX-Midnight AT” modifikaciyası ushın shártnamalardı tek ǵana savdo.uzavtosanoat.uz arqalı dúziw múmkin. Bul haqqında kompaniya baspasóz xızmeti xabar berdi.

Shártnama beriw procesi 11-dekabr kúni saat 10:00 de baslanadı. «Telegram» bot hám “UzAvtosavdo” qosımshası arqalı bolsa gezekti baqlaw hám bar avtomobiller haqqında maǵlıwmat alıw múmkin.
Kompaniyanıń atap ótiwinshe, aldınǵı kontraktaciyada dúzilgen shártnamalar ushın belgilengen waqıtta tólemi ámelge asırılmaǵan kólemler qayta kontraktaciyaǵa qoyıladı.
Avtomobil satıp alıw ushın dúzilgen shártnamalar boyınsha tólem 7 kún ishinde ámelge asırılıwı kerek. Sorawlar boyınsha kompaniyanıń +998 78−141−7777 nomeri arqalı maǵlıwmat alıw múmkin.
Kompaniya 22-noyabr kúni “GX-Style AT Plus” hám “GX-Midnight AT” ushın shártnama dúzetuǵını málim etilgen edi. Sol kúni, 10 saat ishinde usı modeller ushın jámi 55 494 shártnama berilgen, dep málimleme beredi xs.uz

Qaraqalpaqstan xabar agentligi