Ózbekstan Respublikası Konstituciyası 1992-jılı 8-dekabr kúni qabıl etilip, bıyıl oǵan 32 jıl tolmaqta. Usı múnásibet penen orınlarda bayram ilajları ótkerilmekte.
Usınday ilajlardıń biri Ózbekstan mámleketlik Konservatoriyası Nókis filialında bolıp ótti. Ilajǵa Qaraqalpaqstan Respublikası Joqarǵı Keńesiniń deputatı A.Tolıbekov, Qaraqalpaqstan Respublikası sudınıń sudyası S.Dawletmuratov, Qaraqalpaqstan Respublikası Ádillik ministriniń orınbasarı M.Abdullaev, filialdıń professor-oqıtıwshıları hám student – jaslar qatnastı.
Ilajdı filial direktorı R.Abdullaev kiris sóz benen ashtı. Sózge shıqqanlar Konstituciyada tiykarǵı itibar insan hám onıń huqıqları, siyasiy hám sociallıq -ekonomikalıq kepillikleri haqqında aytıp ótti.
Ilaj sońında «Saz atqarıwshılıǵı» kafedrasınıń professorı, Qaraqalpaqstan Respublikasına xızmet kórsetken jaslar ustazı Hikmat Rajabovtıń basshılıǵında dúzilgen xalıq sazları orkestri hám talantlı student-jaslardıń atqarıwındaǵı koncert baǵdarlaması qoyıp berildi.
Qaraqalpaqstan xabar agentligi.