O‘zbekiston Respublikasi Prezidentining farmoni
O‘zbekiston Respublikasi va Saudiya Arabistoni o‘rtasidagi har tomonlama hamkorlikni izchil rivojlantirish, savdo-iqtisodiy, investitsiyaviy, madaniy-gumanitar sohalarda o‘zaro manfaatli qo‘shma dastur va loyihalarni muvaffaqiyatli amalga oshirishdagi ulkan hissasi, mamlakatimizda diniy-ma’rifiy sohada olib borilayotgan islohotlarni qo‘llab-quvvatlash, musulmon dunyosi mutafakkirlari, ulug‘ ulamolarining jahon tamadduniga qo‘shgan bebaho hissasini chuqur tadqiq etish, muqaddas islom dinining insonparvarlik mohiyatini turli millatlar va elatlar orasida keng targ‘ib qilish, musulmon ummatining birdamligini kuchaytirish borasidagi samarali va ibratli faoliyati, shuningdek, xalqlarimizning ko‘p asrlik do‘stligi va hamjihatligini yanada mustahkamlash, ishonch va o‘zaro hurmat munosabatlarini yuksaltirish yo‘lidagi katta xizmatlari uchun Saudiya Arabistoni Podshohi, Ikki muqaddas masjid xodimi Salmon bin Abdulaziz Ol Saud O‘zbekiston Respublikasining «Oliy Darajali Imom Buxoriy» ordeni bilan mukofotlansin.
O‘zbekiston Respublikasi
Prezidenti Sh.MIRZIYOEV
Toshkent shahri,
2022 yil 18 avgust