Falastin rahbari Mahmud Abbos mintaqada xavfsizlik va barqarorlikni ta’minlash uchun o‘z mamlakati BMTning to‘laqonli a’zosi bo‘lishi va xalqaro miqyosda ko‘proq tan olinishi kerakligini aytdi.

Abbos Qohirada bo‘lib o‘tgan “D-8” sammitida so‘zlagan nutqida falastinliklar deyarli har kuni qirg‘inlarga duchor bo‘layotgani, o‘lkada ocharchilik xavfi ortayotganini ta’kidladi.

Shuningdek, u G‘azo sektorida zudlik bilan o‘t ochishni to‘xtatish va hududga insonparvarlik yordami yetib borishiga hech qanday to‘sqinlik bo‘lishi kerak emasligini aytdi. BMT Xavfsizlik Kengashining 2735-sonli rezolyutsiyasini zudlik bilan amalga oshirish zarurligini ta’kidlagan Abbos xalqaro hamjamiyatni G‘azo sektori uchun mas’uliyatni o‘z zimmasiga olishga va Isroilning u yerdan butunlay chiqib ketishini ta’minlashga chaqirdi.

– Mintaqada xavfsizlik va barqarorlikni ta’minlash uchun Falastin davlati BMTning to‘laqonli a’zosi bo‘lishi va xalqaro miqyosda ko‘proq tan olinishi kerak, – dedi Abbos o‘z ma’ruzasida.

G.Sattorova, O‘zA