Poytaxtimizdagi «Universal Horses Stable» ot sporti klubida «FEI World Challenge» sirtqi jahon kubogining I bosqich musobaqalari bo‘lib o‘tdi.
Jahon kubogining to‘siqlardan sakrab o‘tish bellashuvlarida 50 nafar chavandoz o‘z mahoratini sinovdan o‘tkazdi.
Bellashuvlar 3 ta toifa («A», «B», «S»)da o‘tkazildi. «A» toifadagilar balandligi 120-130 sm. bo‘lgan to‘siqlardan sakrashgan bo‘lsa, «B»dagilar 110-120 sm., «S»dagilar esa 100-110 sm. balandlikni zabt etishga intildilar.
Qizg‘in va murosasiz o‘tgan bellashuvlarda Maria Dushenko («A» guruhi), Yormuhammad Fozilxo‘jayev («B» guruhi), Javohir O‘rinboyev («S» guruhi)lar yetakchilik qilmoqda.
Joriy yilning 27-28 noyabr kunlari jahon kubogining navbatdagi II-III bosqich musobaqalari bo‘lib o‘tadi.
Muhammad AMIN(surat),O‘zA