Xalqaro shaxmat federatsiyasi oktyabr oyi yakuniga ko‘ra, FIDE’ning yangilangan reytingini e’lon qildi.
O‘tgan oy davomida bir qator nufuzli xalqaro turnirlar, klublar o‘rtasidagi Yevropa kubogi, AQSH chempionati o‘tkazildiki, shaxmatchilarning o‘sish dinamikasi aynan ushbu musobaqalarda jamg‘argan ballarida aks etdi.
Yangilangan FIDE reytingida Nodirbek Yoqubboyev va Javohir Sindorov klublar o‘rtasidagi Yevropa kubogida yaxshi ko‘rsatkichga erishgan holda yuzlik ro‘yxatning 46 va 48-pog‘onalariga ko‘tarildi. O‘tgan oyda Nodirbek Yoqubboyev +14, Javohir Sindorov +7 ball to‘plagani FIDE mutaxassislari tomonidan e’tirof etildi.
O‘zbekistonning birinchi raqamli shaxmatchisi Nodirbek Abdusattorov oktyabr oyi reytingida 6-o‘rinda, Rustam Qosimjonov 44-o‘rinda qayd etildi.
FIDE’ning yosh shaxmatchilar reytingida Abdusattorov TOP-100likning 2-qatorida, Javohir Sindorov 5, Muhiddin Madaminov 58, Muhammadzohid Suyarov 98-qatorda keltirib o‘tildi.
Yosh shaxmatchi qizlar TOP-100 reytingida esa hamyurtlarimizdan Afro‘za Hamdamova 14, Umida Omonova 82-o‘rindan joy egalladi.
T.Ro‘ziyev, O‘zA