Fransiya mezbonligida davom etayotgan navbatdagi Olimpiya o‘yinlarining boks bo‘yicha 71 kilogrammgacha vazn toifasidagi bahslarda Asadxo‘ja Mo‘ydinxo‘jayev o‘zining navbatdagi jangini o‘tkazdi.

Asadxo‘ja Mo‘ydinxo‘jayev 1/2 final bosqichi doirasida AQSH vakili Omari Jons bilan jang qildi. Keskin va murosasiz o‘tgan bahsda charm qo‘lqop ustamiz ochkolar hisobida g‘alaba qozondi va final yo‘llanmasiga ega chiqdi.

Shu tariqa, charm qo‘lqop ustamiz, “Parij-2024” Olimpiya o‘yinlarining oltin medali uchun o‘tadigan uchrashuvda meksikalik Marko Verde va Buyuk Britaniya sharafini himoya qilayotgan Lyuis Richardson uchrashuvi g‘olibi bilan raqobatlashadi. Ushbu jang 9 avgust kuni bo‘lib o‘tadi.

Javohir Toshxo‘jayev, O‘zA