Qozog‘istonning Ostona shahrida 22 yoshgacha bo‘lgan charm qo‘lqop ustalari va yoshlar o‘rtasidagi Osiyo chempionati davom etmoqda.
Musobaqada terma jamoamiz a’zolari o‘z yosh toifasidagi bahslarda muvaffaqiyatli ishtirok etmoqda. Jumladan, vazni -54 kg. bo‘lgan Sobirjon Tastanov iroqlik Abbas Qasim Al-Sarrayni 5:0 hisobida taslim etdi. 86 kilogrammgacha vaznda bo‘lgan Akmaljon Isroilov esa hindistonlik Sangvan Hemantni mag‘lubiyatga uchratdi. 54 kilogrammgacha vazn toifasida Uzukjamol Yunusova qirg‘izistonlik Alina Sizonenkoni 2-raundda texnik nokautga uchratdi. Shuningdek, Feruza Sharipova hamda Odinaxon Ismoilova o‘z vaznida g‘alabaga erishdi.
Bugun, 30-aprel kuni 7 nafar bokschimiz ringga ko‘tariladi. Unda 22 yoshgacha bo‘lgan bokschilar ringga ko‘tariladi.
Bokschilarimizning raqiblari bilan tanishing:
-48 kg: Shodiyorjon Meliqo‘ziyev — Jay Bryan Baricuatro (Filippin);
-60 kg: Sayat Ilyasov — Rodsuk Phuthanet (Tailand);
-67 kg: Shavkatjon Boltayev — Jeyhun Tagaymuradov (Turkmaniston);
-75 kg: Javohir Ummataliyev — Ghansom Vitthaya (Tailand);
-54 kg: Nigina O‘ktamova — Preeti (Hindiston);
-60 kg: Mushtariybonu Ibrohimjonova — Yao Ching-Yu (Xitoy Taypeyi)
Javohir Toshxo‘jayev,
O‘zA