Bugun, 13-aprel erta tongda Xalqaro boks assotsiatsiyasi prezidenti Umar Kremlev yetakchiligidagi delegatsiya a’zolari Islom Karimov nomidagi Toshkent xalqaro aeroportida tantanali kutib olindi.
Xabar berganimizdek, ertaga 14-aprel kuni yurtimizda ilk bor o‘tadigan «IBA chempionlar oqshomi»ning janglarini jonli kuzatib borish va bokschilarni qo‘llab-quvvatlash uchun Toshkentga kelgan IBA delegatsiyasi a’zolari bir kun muqaddam Tojikiston poytaxti Dushanbeda bo‘lib, mamlakat sport mutasaddilari bilan uchrashuvlar o‘tkazdi.
Eslatib o‘tamiz, poytaxtimizdagi «Humo Arena» sport majmuasida o‘tadigan «IBA chempionlar oqshomi» janglarida yengilmas bokschimiz Hasanboy Do‘smatov ispaniyalik Samuyel Karmonaga qarshi jang o‘tkazsa, O‘zbekiston terma jamoasi a’zolari jahon terma jamoasiga qarshi kechadigan uchrashuvlarda ringga ko‘tariladi.
T. Ro‘ziyev, O‘zA