O‘zbekiston bilan Paragvay o‘rtasida oliy darajadagi muzokaralar yakunlangach, Ko‘ksaroy qarorgohida daraxt ekish marosimi bo‘lib o‘tdi.

Mamlakatlarimiz va xalqlarimiz o‘rtasidagi do‘stlik hamda sherikchilikni mustahkamlashga, ikki tomonlama munosabatlar tarixida yangi sahifa ochishga o‘zaro qat’iy intilishning ramzi sifatida Prezidentlar Shavkat Mirziyoyev va Santyago Penya birgalikda Faxriy mehmonlar xiyobonida daraxt ekdilar.