Xalqaro piramida konfederatsiyasining navbatdagi ijroiya qo‘mitasi yig‘ilishida bir qator masalalar ko‘rib chiqildi. Delegatlarning ovoz berishi natijasida 2026 yilning aprel oyida Toshkent shahrida bilyard sport turining “Dinamik piramida” bo‘yicha jahon chempionati o‘tkazilishi e’lon qilindi.

Konfederatsiya ishtirokchilari O‘zbekistonda boshqa sport turlari singari bilyardning rivoji yo‘lida olib borilayotgan sa’y-harakatlarga yuqori baho berdi. Bilyard sport turining bir qator yo‘nalishlari bo‘yicha ko‘plab musobaqalar tashkil etilayotganini e’tirof etdi.

T.Ro‘ziyev, O‘zA