Ukraina yetakchisi Vladimir Zelenskiy Turkiyada Vladimir Putin bilan ehtimoliy uchrashuv oldidan Prezidentning o‘zidan boshqa hech bir Rossiya vakili bilan muzokara o‘tkazmasligini aytdi. Bu haqda CNN yozdi.

– Turkiyada Putin bilan uchrashishga tayyorman, urushni to‘xtatish masalasi u bilan kechadigan bevosita muzokara orqali muhokama qilinadi, – degan Zelenskiy. – RFda hamma narsa yetakchiga bog‘liq.

AQSH Davlat kotibi Marko Rubio Istanbuldagi muzokarada ishtirok etishi aniq. Tramp ham muhim uchrashuvda qatnashishga rozi, biroq Kreml hozircha Putinning o‘zi kelish-kelmasligini aytishdan bosh tortdi. Matbuot kotibi Dmitriy Peskov “Prezident borish zarur deb hisoblasa, sizlarni xabardor qilamiz”, deya izoh bergan.