Sportda natijaga erishish uchun  mashaqqatli mehnat  talab qilinadi.  Sport bilan har doim  shug’ullanishi va o’z ustida ko’proq ishlashi  natijasida  yutuqlarga erishiladi.  Xo’jayli tumanida yashovchi    Islombek Yo’ldashev  shunday iqtidorga ega  mehnatkash  yoshlarning biri desak adashmagan bo’lamiz.  2000-yil 6-iyunda  Xo’jayli tumanida tug’ulgan sportchimiz  yoshligidan sportining taekvondo  turiga qiziqqan.    Dastlab  u Atabek Abdullaev    boshchiligida 7 yoshida taekvondo bilan shug‘ullana boshlagan . Sportchimizning har bir mashg‘ulotda ko‘rsatgan mashaqqatli mehnati uni katta maydonlardagi yutuqlarga yetaklagan.  U   dastlab tuman , so’ng respublikalarda o’tkazilga chempionatlarda    yuqori o’rinlarni egallagan .  Keyinchalik  2015- yili  O‘zbekiston chempioni unvonini qo‘lga kiritgan va xalqaro maydonda ham o‘zining kuchli sportchi ekanligini isbotlagan.  Xususan  2016 yilda Moskvada o‘tkazilgan xalqaro turnirda 3-o‘rin, 2017 yilda Birlashgan Arab Amirliklarida o‘tkazilgan musobaqada 3-o‘rinni egallagan. Shu tarzda mehnati va shijoati  uni 2019 yilda Toshkentda o‘tkazilgan Prezident kubogi sari yetaklagan va kubogi musobaqasida   kumush medalini  qo‘lga kiritgan.

Sportchining  shijoati va harakati uni murabbiylik sari yo‘naltirdi. U o’zining bilim va tajribalarini O’zbekiston Davlat   jismoniy tarbiya va sport   Universiteti nukus filialida malakali  o’qtuvchilardan  o’rganib  o’z malakasini  oshirdi .  2023-yilda o’qishni tugatgan  U o’zi  tarbiya olgan sport maktabida ya’ni  Xo’jayli tumanidagi 1- sonli maktabida  murabbiylik qila boshlaydi .

Mashqatli mehnati natijasida  uning shogirtlari orasida  2024-yilda o’tkazilgan musobaqada   Perizat Sapurova 30kg vaznda, Elanora Jangabayeva 26 kg vanzda,   Jandarbek Sakenov 22 kg vaznda Qoraqalpog‘iston  chempionligin qolga kiritdi . Shogirtlarining g’alabalar  sportchilarning emas, balki , ularning murabbiyi Islombek Yo’ldoshevning mehnati natijasidir.Hozirda qo‘l ostida 100 ga yaqin yosh sportchilarni  sport bilan shug’ullantirmoqda .

-Mening ularga o’rgatadigan har bir darsim va mashg’ulotlarim, shubhasiz, ularni yangi yutuqlar sari yetaklaydi. Men shogirdlarimni nafaqat sportda, balki hayotda ham muvaffaqiyatga erishishlari uchun kerakli bilim, ko’nikma va ma’naviy kuch bilan ta’minlashga intilaman. Ularning har bir g‘alabasi meni yanada ilhomlantiradi va bu jarayonni davom ettirishga undaydi. Ularning muvaffaqiyati, shuningdek, menga yanada kuch bag’ishlaydi ,- deb takidlaydi  Islombek Yo’ldoshev.

Yosh sportchilarning qo’lga kiritgan  yutuqlari  murabiyining tinimsiz harakatining samarasidir . Sport mehnat va sabr toqatning sinovi degani shu bo’lsa kerak.

 Fotima Bo’ranboyeva,

QDU Jurnalistika  ta’lim yo’nalishi  2- bosqich talabasi.

 Qaraqalpaqstan axborot agentligi