Rossiya Federatsiyasi Volgograd shahrida qilichbozlik bo‘yicha bo‘lib o‘tgan mamlakat birinchiligida qoraqalpog‘istonlik sportchi muvaffaqiyatli ishtirok etib, yaxshi natijaga erishdi.

Xususan, Nukus olimpiya va paralimpiya sport turlariga tayyorlash markazi o‘quvchi-sportchisi Nargiza Utebayeva mazkur birinchilikda qilichbozlikning sablya yo‘nalishi bo‘yicha finalda rossiyalik sportchi Aleksandra Sentyushkina bilan bahslashdi. Natijada 15:10 hisobida g‘alaba qozongan qoraqalpog‘istonlik sportchi oltin medal sohibasi bo‘ldi.

Dovud Abibullayev, O‘zA muxbiri