Amerika kino san’ati va fanlari akademiyasi “Oskar” mukofotiga nomzodlar ro‘yxatini tasdiqladi.

Nashrlarda aytilishicha, “Eng yaxshi xorijiy badiiy film” nominatsiyasiga Valter Sallesning “Men hali ham shu yerdaman”, Jak Odiarning “Emiliya Peres”, Magnus fon Xornning “Ignali qiz”, Jiri Madlaning “To‘lqinlar” va shular kabi mashhur 15 ta film taqdim etilgan.

“Eng yaxshi musiqa” nominatsiyasida “Davogarlar”, “Konklav”, “Yovvoyi robot”,  «Bitldjus», «Golovolomka 2» kabi filmlar sovrin uchun da’vogarlik qilmoqda. “Eng yaxshi hujjatli film” nominatsiyasining qisqa ro‘yxatiga “Qora quti kundaliklari”, “Dagomeya”, “Frida”, “Gollivudgeyt”, “Chinni urushi” va boshqalar kiradi.

Shuningdek, g‘oliblar “Eng yaxshi qisqa metrajli hujjatli film”, “Eng yaxshi pardoz va soch turmagi”, “Eng yaxshi qo‘shiq”, “Eng yaxshi qisqa metrajli animatsion film”, “Eng yaxshi qisqa metrajli film”, “Eng yaxshi ovoz”, “Eng yaxshi vizual effektlar” nominatsiyalari bo‘yicha aniqlanadi.

Mukofotlarni topshirish marosimi 2025 yil 2 mart kuni bo‘lib o‘tadi.

G.Sattorova, O‘zA