Qoraqalpog‘iston Respublikasi Ellikqal’a tumanida davlatimiz rahbarining tashabbusi bilan ilgari surilgan “Yashil makon” umummilliy loyihasi doirasida tumanning har bir hududida mevali va manzarali ko‘chatlar ekish ishlari olib borilmoqda.

“Sharq yulduzi” ovul fuqarolar yig‘inida tumandagi korxona va tashkilotlar rahbarlari ishtirokida asosiy yo‘l bo‘yiga manzarali ko‘chatlar ekildi. Shuningdek, Prezidentimiz tomonidan “Yashil makon” umummilliy loyihasi doirasida ilgari surilgan vazifalar ijrosi yuzasidan mas’ullarga zarur topshiriqlar berildi.

Tumanda 2024 yil kuz mavsumida “Yashil makon” umummilliy loyihasi doirasida 405 ming tup manzarali va mevali ko‘chat ekish ishlari olib borilmoqda.

Dovud Abibullayev, O‘zA muxbiri.