Bugun, 30 oktyabr kuni “Tashkent Select” klubi xokkey bo‘yicha Qozog‘iston yoshlar chempionatining navbatdagi turi doirasida ikkinchi o‘yinini Rudniy shahrining “Gornyak” jamoasiga qarshi o‘tkazadi.
Kecha “Tashkent Select” va “Gornyak” jamoasi o‘rtasidagi dastlabki uchrashuvning asosiy vaqti hamda overtaym 2:2 hisobidagi durang bilan yakunlandi. Bullitlar seriyasida esa hamyurtlarimiz imkoniyatdan foydalangan holda g‘oliblikka erishdi.
Aytish lozim, “Tashkent Select” Qozog‘iston yoshlar chempionatining ushbu mavsumdagi ikkinchi g‘alabasini qo‘lga kiritdi. Jamoa ayni paytda 4 ochko bilan turnir jadvalining 10-pog‘onasida bormoqda.
T.Ro‘ziyev,
O‘zA