Osiyo chempionlar ligasi 2- musobaqasining “D” guruhida 2-tur bahsi “Nasaf” uchun muvaffaqiyatli o‘tdi.

Aniqroq aytadigan bo‘lsak, Qarshidagi “Markaziy” stadionida “Nasaf“ jamoasi BAAning “Shabab Al Ahli“ klubiga qarshi o‘yin o‘tkazdi.

Ushbu o‘yinda “Nasaf” 2:1 hisobida irodali g‘alabani qo‘lga kiritdi. Uchrashuvda dastlab, raqib futbolchisi Lima hisobni ochgan bo‘lsa, “Nasaf” klubi a’zosi Marushich ikkita gol urib, jamoamiz g‘alabasini ta’minladi.

Shu tariqa, “Nasaf” “D” guruhida 4 ochko bilan birinchi o‘ringa chiqib oldi. “Shabab Al Ahli” esa 3 ochko bilan ikkinchi o‘rinda qoldi.

Javohir Toshxo‘jayev, O‘zA