Poytaxtimizdagi “Zakovat arenasi”da “Besh tashabbus olimpiadasi” doirasida mahallalardagi yoshlar o‘rtasida tashkil etilgan musobaqaning final bosqichi bo‘lib o‘tdi.

Bu yilgi musobaqalarda mamlakatimizning 340 mingdan ortiq mahalla yoshlari qatnashdi va o‘z bilimlarini sinovdan o‘tkazdi.

Tadbir so‘nggida final bosqichi g‘olib jamoalari aniqlandi.

Unga ko‘ra, 1-o‘rin Qashqadaryo viloyati Koson tumani “Paxtazor” MFY jamoasiga, 2-o‘rin Sirdaryo viloyati Sardoba tumani “Qo‘rg‘ontepa” MFY jamoasiga hamda 3-o‘rin Qoraqalpog‘iston Respublikasi Qo‘ng‘irot tumani “Qangli” MFY jamoasiga berildi.

Gulnoza Boboyeva, O‘zA