Prezident Shavkat Mirziyoyevning Parij Olimpiadasida ishtirok etgan sportchilar, ularning ota-onalari va murabbiylari bilan uchrashuvi davom etmoqda

Uchrashuvda Olimpiada o‘yinlarida yurtimiz vakillari bir qator rekord natijalarni qo‘lga kiritgani qayd etildi.

Masalan, dzyudo bo‘yicha bizda ilgari oltin medal bo‘lmagan edi. Bu safar matonatli dzyudochi qizimiz Diyora Keldiyorova tomonidan ushbu marra zabt etildi.

Olimpiya o‘yinlari tarixida o‘zbekistonlik ayollar o‘rtasida birinchi marta oltin medalni qo‘lga kiritdi. Shu tariqa Diyora yana bir rekord o‘rnatdi.

Yana bir jasur qizimiz – Svetlana Osipova esa, taekvondo bo‘yicha birinchi kumush medalni egallab, mamlakatimiz ayollar sporti tarixida yangi sahifa ochdi.

Shu tariqa sportchi qizlarimiz bitta Olimpiadada ilk bor 2 ta medalni qo‘lga kiritib, yangi rekord o‘rnatishga erishdilar.