Nukus shahridagi Qoraqalpoq davlat yosh tomoshabinlar teatrida “Muza” teatrining ikkinchi mavsum ochilish marosimi va “Muhabbat bekati” nomli yangi spektakl premerasi bo‘lib o‘tdi.
Spektakl rejissyor Sultonbek Qallibekov tomonidan kabare janrida sahnalashtirilgan. Undagi voqealar muhabbatni qadrlash, kichik Vatan hisoblanmish oilani muqaddas bilish, ota-onalik mas’uliyati, farzand tarbiyasi kabi oilaviy qadriyatlardan so‘zlaydi.
Sahna asarida har bir qahramon obrazi yosh va tajribali aktyorlar tomonidan yuksak mahorat bilan, ishonchli tarzda ijro qilingan.
Maqsad HABIBULLAEV (surat+video), O‘zA