Italiyaning «Roma» klubi yangi mavsum oldidan Angliyada o‘quv-yig‘in mashg‘ulotlarini o‘tkazmoqda. Mazkur yig‘inda futbol bo‘yicha O‘zbekiston terma jamoasi sardori Eldor Shomurodov ham ishtirok etmoqda.
Daniyele De Rossi Shomurodovni 10 avgust kuni «Gudison Park» stadionida «Everton»ga qarshi o‘tadigan o‘rtoqlik bahsida maydonga tushirishi ehtimoldan yiroq emas. Kecha 8 avgust kuni tashkil etilgan mashg‘ulotlar jarayonida hamyurtimiz «Roma» libosida maydonda harakatlandi.
T.Ro‘ziyev, O‘zA