Poytaxtimizda shaxmat bo‘yicha “Uzchess Cup” xalqaro turniri tashkil etiladi. Turnirning “Masters” guruhida mahoratli shaxmatchilarimiz Nodirbek Abdusattorov, Javohir Sindarov va Nodirbek Yoqubboyev qatorida jahon “aql gimnastikasi”da o‘z salohiyatiga ega bo‘lgan Vidit Santosh Gujrat, Parham Magsudlu, Shaxriyor Mamedyarov, Aleksandr Grishchuk, Yu Yangyi, Richard Rapport, Aleksey Sarana dona suradi.
Joriy yilning 5-15 iyun kunlari o‘tadigan mazkur nufuzli musobaqaning mukofot jamg‘armasi 166 ming AQSH dollarini tashkil etadi. “Uzchess Cup” xalqaro turniri 3 ta guruhdagi musobaqalardan iborat bo‘ladi.
“Masters” guruhida reytingi 2700 va undan yuqori shaxmatchilar ishtirok etsa, “Chellenjers” guruhida 2600 va undan yuqori ochkoga ega bo‘lganlar hamda “Fyuchers” guruhida reytingi 2500 va undan yuqori shaxmatchilar qatnashish huquqiga ega bo‘ladi.
T.Ro‘ziyev, O‘zA