Vetnamning Danang shahrida o‘tkazilayotgan taekvondo WT bo‘yicha kattalar o‘rtasidagi Osiyo chempionatida terma jamoamiz oltin medalni qo‘lga kiritdi.

Terma jamoamiz a’zosi Jasurbek Jaysunov 80 kg. vazndagi janglarda barcha raqibini yengib, Osiyo chempioniga aylandi. Hamyurtimiz final bahsida eronlik Ali Xushraveshdan ustun keldi va terma jamoamiz hisobiga oltin medalni taqdim etdi.

Shuningdek, Diyorbek To‘xliboyev hamda Svetlana Osipova o‘z vazn toifalarida bronza medaliga sazovor bo‘ldi. Shu tariqa mazkur chempionatdagi medallarimiz soni bittadan oltin va kumush hamda 5 bronza medaliga yetdi.

Javohir Toshxo‘jayev, O‘zA