Xavfsizlik Kengashi Falastinni Birlashgan Millatlar Tashkilotiga qabul qilish bo‘yicha ovoz berish jarayonini tashkil etadi, deb yozdi “Frans Press” agentligi bir qator diplomatik manbalarga tayanib.

Tomonlarning hududiy manfaati bilan bog‘liq Falastin – Isroil mojarosi ko‘p yillardan buyon mintaqada keskinlik va qurolli to‘qnashuv manbai bo‘lib kelmoqda. 1947-yil Isroil va Falastin davlatini tashkil etish belgilangan, biroq faqat Isroil davlati tuzilgan. Shundan buyon falastinliklar o‘z davlatini tuzish va BMTga to‘laqonli a’zo bo‘lishga harakat qilib keladi.