Qirg‘iziston va Tojikistonning ayrim viloyatlarida sel kelishi oqibatida daryolarda suv sathining ko‘tarilishi kutilmoqda, deb xabar bermoqda “Kazinform” axborot agentligi.
Qirg‘iziston Respublikasi Favqulodda vaziyatlar vazirligi ma’lumotlariga ko‘ra, kutilayotgan kuchli yog‘ingarchilik tufayli mamlakatda bo‘ron bo‘lishi haqida ogohlantirish e’lon qilingan.
Departament ma’lumotlariga ko‘ra, 15-16-aprel kunlari Qirg‘izistonning Chuy, Talas, O‘sh, Jalolobod va Botken viloyatlarida beqaror ob-havo sharoiti va kuchli yog‘ingarchilik tufayli tog‘ va tog‘ oldi hududlarida sel oqimi xavfi mavjud.
Tog‘ yonbag‘irlari va pasttekisliklarni suv bosishi, daryolarda suv sathining oshishi kutilmoqda.
Tojikiston Gidrometeorologiya agentligi Yaxsuv va Qizilsuv daryolarida suv sathi ko‘tarilishi va sel kelishi xavfidan aholini ogohlantirmoqda.
Xatlon, tog‘li Badaxshon muxtor viloyatining g‘arbiy tumanlarida, shuningdek, Sug‘d viloyatining tog‘ oldi hududlarida sel oqimlari kuzatilishi mumkin.
O‘zA