Qozog‘istonda suv toshqinlaridan jabr ko‘rgan hududlardan 100 mingga yaqin odam evakuatsiya qilindi.
Kuchli yomg‘irlardan so‘ng erigan qor tufayli yuzaga kelgan suv toshqinlari natijasida mamlakatning 10 ta hududida 3 mingdan ortiq uy suv ostida qolgan, transport infratuzilmasi, ayniqsa, yo‘l va ko‘priklar shikastlangan, g‘arbiy va shimoliy hududlardagi to‘g‘onlardasuv toshib ketgan.
Favqulodda vaziyatlar vazirligi bayonotiga ko‘ra, suv toshqini zonalaridan 99 ming 920 kishi ejvakuatsiya qilingan. Ayni paytda ularning 6 ming 566 nafari vaqtinchalik joylashtirish markazlarida turgan bo‘lsa, 9 ming 15 nafari esa o‘z uyiga qaytgan.
Suv bosgan qishloq joylardan 98 ming 106 bosh mayda va yirik chorva mollari evakuatsiya qilindi, 8 mingdan ortiq chorva nobud bo‘ldi.
Aholini ko‘chirish va suv toshqinlariga qarshi kurashda harbiylar bilan birga 34 mingdan ortiq kishi kecha-yu kunduz mehnat qilmoqda. Ming tonna insonparvarlik yordami toshqindan jabr ko‘rgan hududlarga yetkazildi.
O‘zA