– Hozirgi Qozog‘iston – Xitoy munosabati samarali hamkorlik modelini aks ettiradi, – dedi Prezident Qosim-Jomart Toqayev Boao Osiyo anjumani sessiyasida so‘zga chiqib. – Bu jarayonda mamlakatimiz Xitoyning Markaziy Osiyodagi asosiy savdo-iqtisodiy hamkoriga aylandi. Chin diyorining mintaqadagi savdo va investitsiyasi yarmi bizga to‘g‘ri keladi. O‘tgan yil amalga oshirilgan o‘zaro tovar aylanmasi tarixiy rekord ko‘rsatkich – 41 milliard dollarni qayd etdi.

Yuk tashish hajmi 22 foiz ortib, 30 million tonnaga yetdi. XXR tomonidan ilgari surilgan “Bir makon, bir yo‘l” nomli ulkan loyiha Sharq va G‘arb o‘rtasidagi muhim ko‘prikdir. Xitoy bilan Yevropa o‘rtasida quruqlikda tashilayotgan yukning 80 foizi Qozog‘iston orqali o‘tmoqda. Bu imkoniyatdan to‘la foydalanishimiz kerak.

Bu yil Jahon YAIM o‘sishining 60 foizini Osiyo mamlakatlari ta’minlaydi. Jahon savdosining 53 foizini qoplayotgan qit’amizning bir necha yirik davlati iqtisodiyoti juda tez sur’atda rivojlanmoqda. Osiyoga jalb etilayotgan to‘g‘ridan to‘g‘ri investitsiya so‘nggi yillarda sezilarli ravishda o‘sdi. Mintaqada patent ishlanmalarining 70 foizini ta’minlagan dunyoning bir necha yetakchi texnologik markazi joylashgan. Sariq qit’a inson resursiga ham boy, dunyoning 30 ta eng yirik shahridan 21 tasi mintaqamizda. Ushbu omillarning barchasi “Osiyo renessansi”ga ishora qilmoqda.