Qirg‘izistonda qizamiq bilan kasallanish holati ko‘payishi munosabati bilan qo‘shimcha emlash kampaniyasining ikkinchi bosqichiga tayyorgarlik ko‘rilmoqda, deb xabar berdi “Kazinform” agentligi.

Respublika Sog‘liqni saqlash vazirligi Immunoprofilaktika markazi ma’lumotiga ko‘ra, vaziyat haliyam keskin. Hozirgacha qizamiqqa uchraganlar 4855 nafarga yetdi. Virus faol aylanishi Bishkek, Chuy va Jalolobod viloyatlarida kuzatilmoqda.

Qizamiq va qizilchaga qarshi muntazam emlashdan bosh tortish holati juda ko‘pligi ushbu xastalik ko‘payishining asosiy sababi sifatida ko‘rsatilgan. Bemorlarning 85 foizi 10 yoshgacha bo‘lgan bolalar.

Markazda tibbiyot xodimlari salohiyatini, aholi ogohligini oshirish maqsadida shifokorlar uchun o‘quv mashg‘uloti tashkil etilgan.