Avval xabar berganimizdek, Italiyada “Parij-2024” Olimpiya o‘yinlarining boks bellashuvlari uchun yo‘llanma beruvchi I Jahon kvalifikatsion turniri o‘tkazilmoqda.

Musobaqaning bugungi bellashuvlarida birgina charm qo‘lqop ustamiz ishtirok etadi. Aniqrog‘i, vazni 80 kilogrammgacha bo‘lgan To‘rabek Habibullayev Olimpiada litsenziyasi uchun o‘tadigan ilk bahsda Husseyn Iashishga (Iordaniya) qarshi ringga ko‘tariladi.

Ma’lumot uchun, kechagi bellashuvlarda terma jamoamiz a’zolari ishtirok etmadi. Bugun ringga ko‘tariladigan To‘rabek Habibullayev janggi Toshkent vaqti bilan soat 23:00 dan so‘ng boshlanadi. I Jahon kvalifikatsion turniri 11-mart kuniga qadar davom etadi.

Javohir Toshxo‘jayev,  

O‘zA