O‘zbekiston Respublikasi Vazirlar Mahkamasi “Jamoatchilik ekologiya nazoratchisi to‘g‘risidagi nizomni tasdiqlash haqida” qaror qabul qildi.

Unga muvofiq, Jamoatchilik ekologiya nazoratchisi to‘g‘risidagi nizom tasdiqlandi.

Nizomda:

jamoatchilik ekologiya nazoratchilarining maqomi, huquqlari va majburiyatlari;

jamoatchilik ekologiya nazoratchilari faoliyatining asosiy yo‘nalishlari;

jamoatchilik ekologiya nazoratchiligiga nomzodlarni maxsus tayyorgarlikdan o‘tkazish tartibi;

jamoatchilik ekologiya nazoratchilari maqomini tugatish tartibi belgilab berilgan.

2024-yil 1-iyunga qadar Respublikada jamoatchilik ekologiya nazoratchiligiga nomzodlarni muxsus tayyorgarlikdan o‘tkazishni mustaqil ta’lim shaklida amalga oshirish tartibi joriy etiladi.

O‘zA