Qatar poytaxti Doha shahrida tennis bo‘yicha Xalqaro tennis federatsiyasi tomonidan “M25″ turkumiga kiruvchi musobaqa o‘tkazilmoqda.
Unda hamyurtimiz Humoyun Sultonov chorak finalda fransiyalik Antuan Gibodoga qarshi o‘yin o‘tkazib, 6:2, 6:1 hisobida g‘alaba qozondi. Endi u final yo‘llanmasi uchun avstriyalik Sandro Koppga qarshi kortga chiqadi.
Eslatib o‘tamiz, Humoyun Sultonov o‘tgan haftada Qatarda o‘tkazilgan xalqaro turnirning yakkalik bahslarida bosh sovrinni qo‘lga kiritgan edi.
Javohir Toshxo‘jayev, O‘zA