O‘zbekiston dzyudo federatsiyasi xabariga ko‘ra, mamlakatimiz yakkakurashchilari orasida yorqin g‘alabalari bilan e’tiborga tushgan, 2016 yilgi Rio Olimpiadasi bronza medali sohibi, “Jakarta-2018” yozgi Osiyo o‘yinlari g‘olibi, Osiyo chempionati sovrindori va ko‘plab xalqaro turnirlarda muvaffaqiyat qozongan Diyorbek O‘rozboyev dzyudo bo‘yicha O‘zbekiston yoshlar terma jamoasi bosh murabbiyi etib tayinlandi.
Xorazm sport maktabida kamol topgan D.O‘rozboyev yetakchiligidagi mamlakat yoshlar terma jamoasining kengaytirilgan tarkibi ayni kunlarda Toshkent viloyatida o‘tkazilayotgan o‘quv-mashg‘ulot yig‘inlarida ishtirok etmoqda.
T.Ro‘ziyev,
O‘zA