Ózbekstan Respublikası Prezidentiniń 2025-jıl 19-marttaǵı PP-52-sanlı pármanı hám PQ-115-sanlı qararında belgilengen wazıypalardıń orınlanıwı sheńberinde Komitet baslıǵı K.Sarievtiń basshılıǵındaǵı jumısshı topar tárepinen Qaraqalpaqstan Respublikası Ministrler Keńesiniń Baslıǵı F.Ermanov penen birgelikte Nókis qalasında ámelge asırılıp atırǵan jumıslar úyrenildi.
Jumısshı topar Nókis qalasındaǵı «Doslıq úyi»nde jaylasqan 5 milliy mádeniy oraydıń (túrkmen, rus, qazaq, ukrain, koreys) jumısı menen jaqınnan tanıstı.
Bul oraylarda milliy úrp-ádet hám dástúrlerdi qásterlep saqlaw, jas áwladtı milletler aralıq tatıwlıq hám keńpeyillik ruwxında tárbiyalaw baǵdarında ámelge asırılıp atırǵan jumıslar dodalandı.
Oraylardıń materiallıq-texnikalıq bazası, dóretiwshilik jámáátleri, dógereklerdiń jumısı hám hár qıylı mádeniy-aǵartıwshılıq ilajlardı shólkemlestiriw baǵdarındaǵı tájiriybesi kózden ótkerildi.
Milliy mádeniy oraylardıń jumısın bunnan bılay da qollap-quwatlaw, olardıń baslamaların xoshametlew hám aymaqlarda milletler aralıq tatıwlıqtı bekkemlew boyınsha tiyisli usınıs hám kórsetpeler berildi.

Qaraqalpaqstan xabar agentligi