Puqaralardıń múrájatları menen islesiw sistemasınıń nátiyjeliligin arttırıw, xalıq penen ashıq hám nátiyjeli pikirlesiwdi jolǵa qoyıw maqsetinde Ishki isler ministrligi janındaǵı Tergew departamenti tárepinen jeke hám kóshpeli qabıllawlar turaqlı túrde shólkemlestirilmekte.
Ishki isler ministriniń orınbasarı, Tergew departamentiniń baslıǵı Ramazon Ashropov ótkergen jeke qabıllawda xalıqtıń bar mashqalaların anıqlaw hám olardı saplastırıw maqset etilgen.
Qabıllaw dawamında 148 puqaranıń 129 dan aslam múrájatı úyrenildi. Múrájatlardıń 98 i tergew hám sorastırıw jumısı, 20 sı tergewge shekem tekseriw, 5 ewi xızmetkerlerdiń is-háreketleri boyınsha hám 6 sı ishki isler uyımlarına baylanıslı basqa da máselelerdi quraydı.
Xalıqqa qolaylıq jaratıw maqsetinde Qaraqalpaqstan Respublikası hám wálayatlardıń xalqı ushın jeke qabıllaw onlayn tárizde de shólkemlestirilip, alıs aymaqlarda jasaytuǵın puqaralardıń mashqalaları videokonferencbaylanıs arqalı tıńlandı.
Jeke qabıllaw dawamında ministrdiń orınbasarı jáne juwapker basshı hám xızmetkerler tárepinen puqaralar menen olardı qıynap atırǵan mashqalalar boyınsha tikkeley sóylesiw ótkerildi.
Atap aytqanda, tergewge shekem tekseriw, sorastırıw hám dáslepki tergew processleri, migraciya hám puqaralıqtı rásmiylestiriw, jol háreketi qáwipsizligi hám basqa da baǵdarlardaǵı múrájatlar qabıl etilip, olardı nızamlı hám operativ sheshiw boyınsha juwapkerlerge anıq kórsetpeler berildi.
Kelip túsken múrájatlardıń 31 i yamasa 24 procenti usı jerdiń ózinde qanaatlandırıldı, 15 i yamasa 11,6 procenti boyınsha puqaralarǵa tiyisli túsinikler berildi. Qalǵan 83 múrájat yamasa 64,3 procenti qosımsha úyreniwdi talap etkeni sebepli orınlawǵa qaratılıp, óz waqtında hám qalıs kórip shıǵılıwı qadaǵalawǵa alındı.
Xalıq penen bunday ashıq pikirlesiw hám jeke qabıllawlar sistemalı túrde dawam ettiriledi.

N.Abduraimova, ÓzA