16-fevral kúni Ózbekstan Respublikası Prezidentiniń “Máhállelerdi rawajlandırıw hám jámiyetti ilgerletiw” jılında tiykarǵı baǵdarlar boyınsha reformalar baǵdarlamaları hám “Ózbekstan – 2030” strategiyasın ámelge asırıw boyınsha mámleketlik baǵdarlama haqqında”ǵı pármanı qabıl etildi. Oǵan bola, máhálleni rawajlandırıw boyınsha ámelge asırılatuǵın tiykarǵı reformalardıń áhmiyetli baǵdarları belgilendi.
Sonıń ishinde, máhállelerde 10 mıńnan aslam óndiris hám xızmet kórsetiw joybarların iske qosıw arqalı qosımsha 100 mıń jańa jumıs ornın jaratıw, máhálleler infrastrukturasın jetilistiriwge 20 trillion sum qarjı qaratıp, olarǵa Jańa Ózbekstan kórinisin alıp kiriw wazıypaları belgilendi.
Sonday-aq, 2026/2027-oqıw jılınan 7 aymaqta aldınǵı kásiplik sheberlik texnikumlarında “Kásipler qalashaları”n shólkemlestirip, olar arqalı mektep oqıwshıların zamanagóy kásiplerge baǵdarlaw, 2026/2027-oqıw jılınan baslap texnikumlarda stipendiya tólew ámeliyatın jolǵa qoyıw, aymaqlarda 24 mamanlıqtı bahalaw orayların shólkemlestirip, miynet bazarında tán alınatuǵın sertifikat beriwdi engiziw kásiplerdi rawajlandırıwdıń tiykarǵı baǵdarları etip belgilendi.

M.Komilova, ÓzA