Jasırın ekonomikaǵa qarsı gúresiw – ekonomikalıq turaqlılıqtı támiyinlewde áhmiyetli baǵdar. Házirgi waqıtta qánigeler tárepinen orınlarda jasırın ekonomikaǵa qarsı gúresiw, isbilermenlik subektleri jumıslarınıń ashıq-aydınlıǵın támiyinlew hám salıq mádeniyatın arttırıwǵa qaratılǵan keń kólemli úgit-násiyatlaw ilajları alıp barılmaqta.
Ózbekstan Respublikası Salıq komiteti baslıǵınıń orınbasarı U.Sadullaev hám Qaraqalpaqstan Respublikası Salıq basqarmasınıń baslıǵı X.Bekchanovlar tárepinen de tiyisli qánigelerdiń qatnasıwında Nókis qalasında jaylasqan bazarlardaǵı isbilermenlik subektleriniń jumısları úyrenildi.
Olarǵa jasırın ekonomika úlesin qısqartıw, rásmiy emes jumıs orınların rásmiylestiriw, qarıydarlarǵa onlayn qadaǵalaw kassasınıń chegin usınıw hám «Paynet Xolis» platformasınan durıs paydalanıw boyınsha ámeliy usınıslar berildi.
Ámelge asırılıp atırǵan bunday mánzilli hám sistemalı ilajlar jasırın ekonomikanı “sayadan” shıǵarıw, hadal isbilermenlik ortalıǵın bekkemlew jáne byudjet túsimlerin arttırıwǵa xızmet etpekte.

Á.Jiyemuratov,
Qaraqalpaqstan xabar agentligi