Ózbekstan Respublikası Prezidenti Shavkat Mirziyoev mámleketlik sapar menen Islamabadqa keldi.
Pakistan hawa aymaǵında joqarı mártebeli miymannıń samolyotına usı mámleket Áskeriy hawa kúshleriniń qırıwshı samolyotları birge júrdi.
“Nurxon” aeroportında mámleketimiz basshısın Pakistan Prezidenti Asif Ali Zardoriy, Bas ministr Shahboz Sharif hám basqa da rásmiy adamlar kútip aldı.
Eki mámlekettiń mámleketlik bayraqları kóterildi, húrmetli qarawıl sap tarttı.
Baǵdarlamaǵa muwapıq, búgin Qorǵanıw kúshleri Joqarı Bas Sárkardası – Qurallı Kúshlerdiń qurǵaqlıqtaǵı áskerleri sárkardası, feldmarshal Asim Munir, Pakistan Bas ministri Shahboz Sharif penen sóylesiwler hám Joqarı dárejedegi strategiyalıq birge islesiw keńesiniń birinshi májilisi bolıp ótedi.
Erteń, 6-fevral kúni Pakistan Prezidenti Asif Ali Zardoriy menen ushırasıw hám Ózbekstan – Pakistan biznes forumında qatnasıw rejelestirilgen.

ÓzA