Ózbekstan Milliy kino kórkem óneri sarayında “Erkek” atlı kórkem filmniń úlken premerası bolıp ótti.
Ilajda kino dóretiwshileri, taraw juwapkerleri, kino ıqlasbentleri hám ǵalaba xabar qurallarınıń wákilleri qatnastı.
Xalqımızda erkekler – shańaraq qorǵanınıń saqshısı, mártlik, saqawat, keńpeyillik tımsalı sıpatında da oǵada qádirlenedi.
“Erkek” filmi insanıylıq, mehir, sadıqlıq hám parız sıyaqlı joqarı qádiriyatlardı ózinde jámlegen tereń mánawiy shıǵarma ekeni menen dıqqatqa ılayıq.
Kórkem filmde awır kesellik iyrimine túsken ómirlik joldasın ómiriniń sońǵı demine shekem taslap ketpey, oǵan súyenish bolıp jasaǵan insannıń mártligi hám pidayılıǵı tásirsheń túrde sáwlelendiriledi. Bunday tásirli hám turmıslıq haqıyqatlıq tamashagóylerdi biypárwa qaldırmaydı.
Film tamashagóylerdi muhabbattıń haqıyqıy mánisi, sabır hám opadarlıqtıń haqıyqıy bahası haqqında tereń pikir júrgiziwge shaqıradı.
Bul kórkem film Ózbekstan Respublikası Prezidenti Shavkat Mirziyoevtiń basshılıǵında 2024-jıl 13-dekabr kúni ótkerilgen videoselektor májilisinde belgilengen tiyisli tapsırmanıń orınlanıwı sheńberinde súwretke alınǵan.
“Erkek” – bul tek ǵana film emes, al insanıy mártlik hám sheksiz muhabbattıń ózine tán talqılawı bolıp esaplanadı.

N.Usmonova, ÓzA