Президент Шавкат Мирзиёев Аўыл хожалығы тараўы хызметкерлери күни мүнәсибети менен тараў ўәкиллери менен сөйлесиў өткермекте.

Сөзиниң алдында мәмлекетимиз басшысы пидәкерлик ҳәм машақатлы мийнети менен зүрәәт жетистирип, ел дастурханына қут-берекет алып кирип атырған барлық дийқан, фермер, бағман, шарўа, суўшы, агроном ҳәм механизаторларға өзиниң терең ҳүрмет-иззетин билдирди.

“Сизлердиң тек ғана аўыл хожалығы емес, ал экономиканы раўажландырыў, халықтың турмысын жақсылаў, азық-аўқат қәўипсизлиги бағдарындағы шексиз ислериңиз ҳәр қанша мақтаўға ылайық”, – деди мәмлекетимиз басшысы.

Быйыл экономиканың барлық тармақларында жетискенликлерге бай ҳәм берекетли жыл болғаны атап өтилди. Әсиресе, халқымыздың 3,5 миллионнан аслам ўәкили мийнет етип атырған аўыл хожалығында үлкен шеклерге ерисилди.