Prezident Shavkat Mirziyoevtiń qatnasıwında Xalıq deputatları Sırdárya wálayatı Keńesiniń gezeksiz sessiyası bolıp ótpekte.

Wálayat hám rayon hákimleri sanaat zonasına qosıp berilgen 1 mıń gektarda keminde 4 milliard dollarlıq joybarlardı baslawı áhmiyetli ekeni kórsetip ótildi.
Onıń ushın joybarlardıń nátiyjeliligin esap-sanaq etip, investorlarǵa tanıstırıw ushın Sırdárya, Boyovut, Gúlistan, Mırzabad, Aqaltın, Xovos rayonları, Yangier, Gúlistan, Shirin qalalarınıń hákimlerinen ibarat delegaciyanı Qıtayǵa jiberiw tapsırıldı.
Onda qurılıs materialları boyınsha Qıtaydıń Szyansu, Shandun hám Guandun provinciyaları, ximiya sanaatında Tyanszin qalası, elektrotexnikada Fuszyan, Gonkong, jeńil sanaatta Shandun hám Sinczyan, farmacevtikada Shanxay, Szyansi aymaqları menen tikkeley birge islesiwdi ornatıw wazıypası qoyıldı.
Sonday-aq, Qıtaydıń Sindao qalasında “Qıtay-Shanxay birge islesiw shólkemi” arnawlı ekonomikalıq pilot zonasındaǵı jeńillikler, olardı qollanıw mexanizmleri, ámelge asırılıp atırǵan joybarlardı puqta úyrenip, Gúlistan qalasında keminde 5 mıń jumıs ornına iye “Ózbekstan-Shanxay birge islesiw shólkemi” sawda hám sanaat zonasın shólkemlestiriw tapsırıldı.
Bul jerdegi obektler tayar joybar sıpatında isbilermenlerge sanaat ipotekası yamasa lizing tiykarında beriledi.
Gonkong arnawlı hákimshilik rayonı da oǵada úlken investiciyalıq hám finanslıq imkaniyatlarǵa ie ekeni atap ótilip, juwapkerlerge Gonkongtaǵı iri kompaniyalardı Sırdáryaǵa mirát etiw hám investiciyalıq forumdı ótkeriw, Sırdárya wálayatı hám Gonkong arasında birge islesiw baylanısların ornatıw boyınsha usınıslar islep shıǵıw tapsırıldı.

ÓzA