2025-jil sentyabr halatına qaray, Kaspiy teńiziniń Qazaqstan jaǵalaw tárepi ortasha 29,31 metrdi quradı hám sońǵı on segiz jıl ishinde suw maydanı 36 000 kvadrat kilometr qısqardı.

Xabarda aytılıwınsha, usı jıldıń sentyabr ayında baqlaw stanciyaları jaylasqan arqa-shıǵıs bóliminde teńiz qáddi ortasha minus 29,15 metr, shıǵıs bóliminde bolsa minus 29,46 metrdi quraǵan.
Ótken jılǵa salıstırǵanda Kaspiy teńizi qáddi tómenlegen: arqa-shıǵısta 20 santimetr, shıǵısta 17 santimetr.
Ulıwma, mámleket aymaǵında jaǵalıq sızıǵı ayırım jerlerde 30-35 kilometrge shegingen.
Kaspiy teńiziniń arqa-shıǵıs bólimi, Ural dáryası deltası hám Manǵıstaw wálayatı jaǵası eń ázzi aymaqlar bolıp esaplanadı.

G.Sattorova,
ÓzA